بقلم : نادية البسيونى
أقول لك كام قصيدة حب
تقول لى لك كام قصيدة حب
تسقف لى
أسقف لك
خلاص خلصت
خلاصة عمرنا فكرة
بكام كلمة مع النجمة
وانا والليل مع الذكرى
يا دوب لسة بااجيب سيرتك
لقيتك جاى بالضحكة
بنفس الخطوة والهيئة
ونسمة قلبك الرايقة
بزقزقةالأمل طايرة
حاجات فايتة
لكن باقية
بواقى الحلم فى الساقية
وانا السايقة على الدنيا
أشوفك بس لو ثانية
وانا العارفة استحالة تعود
لكن طمعانة فى امبارح
بعطفه يجود
والاقى جناحك الصابح
خيال جامح على الموجود
